حنده مين ..

و رحت و قلت عدولي
و سبت الجرح فينا يموت
و صرخة بتشفي قبل الموت
و حب داير في الملكوت
و اللي بعده وقت يفوت
يا مين يسمع أنين قلبي
و يثبت روحي و عقلي
و أنا منكوبة فأبويا و أخويا
و جوزي و إبني اللي من دمي
يا مين يداويني .. بس إيزاي ؟!
و ما يقولي بكام من مال
دا والا يسوي اللي راح في زمان
و الا اللي جي ليوم الدين
و حنده مين .. ؟!!
دا كله عامل متغمي
طلاما نايم متهني
و سايب الجرح فديل أهله
و آه يا ويله من جهله
فيوم حيدوق عذاب أهله
و وجعه فحد من أهله
و أنا قلبي حينده مين .. ؟!!
و كل الناس مش سامعين
و لو سمعوا مش فاهمين
و لو فهموا مش قادرين ..
ساره مدحت 16-4-2013

تعويره

 تعويره فجسم اميرة
نزفت منها دم كتير
حصلت يوم ما خرجت تلعب
وسط الخضره مع عاميين
جري و لعب وتنطيط
و ضحكه عالية بتجلجل
ندهت عليها طنط عبير
الداده اللي بتخوف
خدي هنا ايه اللي فإيدك
و دي بترد تعويره و ايه المشكله
رجعت تاني تجري و تلعب
والتعويره تنزف تنزف
تراب و غبار
و فيروسات و بلاوي
و اتلوثت و اتسممت و هي والا علي بالها
ماهي اميرة
ودي حتت تعويره
كل دا كله و هي موجوعه
بس في اللعب مخدوعه
قالت ما بدهاش بقي
لما اقرص و اقول مفتوحه
فجأه البنت بتتألم
وكل الناس تتكلم
تعويره فإيد اميره
اتلونت كده ميت لون
احمر ازرق و لون بونبون
ورمت و اتملت بتراب
ما اصلنا من تراب
و حنرجع لتراب
اجري نادي علي دكتور
افتح نضف في التعويره
براحه يا عمي انا موجوعه
بالراحه دي حتت تعويره
خرج الدم كمان و كمان
و ابوها قاعد غلبان
بيزعق فعبير الداده
فجاه الدنيا نضيفه حواليها
و الدم اتجمت في عروقها
و الجرح اتخيط و اتجمل
ماهي تعويره فجسم اميره
اخدت وقتها و حتروح
و كانها ما كانت روح
دي وجع فجسد قوي
و ما يقدر عالقوة الا القوي
و ربنا هو الواحد اقوي قوي